Cauayan City – Sa kulungan ang bagsak ng isang indibidwal matapos na magpositibo sa ikinasang anti-illegal drug buy-bust operation sa bayan ng Cordon, Isabela.
Ayon sa ulat, ang nadakip ay kinilalang si alyas “Ben”, 41 anyos, magsasaka at residente ng nabanggit na bayan.
Sa ikinasang operasyon, nakumpiska sa suspek ang apat na plastic sachet na naglalaman ng hinihinalang shabu na may bigat na 3 grams, at nagkakahalaga ng P20,400.
Matapos ang operasyon, dinala sa himpilan ng Cordon Police Station ang suspek para sa dokumentasyon at pagsasampa ng kasong paglabag sa RA 9165 o Comprehensive Dangerous Drugs Act of 2002.
Facebook Comments
