‘Tulak’ patay sa Panacan

57

Davao City – Sunod-sunod nga buto sa mga pistola ang mibulabog sa mga residente sa Sagrada Familia, Km 12, Panacan ning siyudad kagahapon.

Nahibaluan nga usa ka drug pusher ang gikapusilay sa kapulisan nga naglusad og buy-bust operation sa maong dapita alas-5:40 kagahapon sa hapon.

Ang panag-enkwentro miresulta sa kamatayon sa suspek nga giilang si Gomer Emani, 40-anyos, minyo, ug nagpuyo sa naasoy nga lugar gumikan sa mga bala nga milubong sa lawas niini.

Nakabantay matud pa ang suspek nga pulis ang gikatransak niini sa droga mao nga mihulbot kini sa iyang punto 38 nga rebolber dayon pusil sa kapulisan.

Apan abtik nakabalos ang mga otoridad resulta sa hinanaling kamatayon sa giingong drug pusher.

Narekober gikan sa napatay ang laing sachet sa gituohang shabu, P500 mark money, .38 nga revolver, ug cartridge sa 9mm.

Di pa lamang dugay natiktikan sa kapulisan ang iligal nga kalihukan sa suspek apan di malas kay napatay kini sa operasyon sa mga otoridad.

Ang patay nga lawas ni Emani wala gidala sa punerarya inay giindosar kini sa imam ug sa pamilya aron malubong gilayon subay sa tinuohang Islam.

RadyoMaN Joel Viray

Facebook Comments