Davao City – Hustisya ang singgit sa pamilyang Panio kalabutan sa pagpatay sa usa ka dalagita kinsa napalgang wala nay kinabuhi sulod sa iyahang kwarto sa may Purok 12, Brgy. 76-A, Bucana, Davao City, niadtong Huwebes sa hapon.
Sa Interbyu sa DXDC News Team kang Rodrigo Panio, amahan sa biktima, nga posibleng tulis ang motibo sa pagpatay kang Rachelle Panio.
Matud pa nga nahanaw ang P60,000 nga salapi sulod sa iyang kuwarto.
Gipaabot sa amahan ngadto sa kapolisan nga mapadali ang imbestigasyon ug madakpan gilayon ang suspek aron matagaan og hinanaling hustisya ang kamatayon sa ilang anak.
Gisugyot usab sa amahan nga angayan banhawon ang death penalty aron mapahamtangan sa silot-kamatayon ang suspek nga mipatay sa iyang anak.
Ang patay’ng lawas sa biktima gihaya sa ilang pinuy-anan ug gikatakdang ilubong sa August 12 sa Forest Lake sa may Brgy. Maa ning dakbayan.
RadyoMaN Don Pulayao
