Davao City – Naglusad na og lawom nga imbestigasyon ang Talomo Police Station sa nahitabong tulis sa opesina sa J&T Express Office alas 9:45 sa buntag, kagahapon adlawa Septembre 11, 2023, Catalunan Grande, Davao City.
Sumala sa report sa Talomo Police Station, duha ka wala mailhing lalaki ang misulod sa maong establisemento nga nagsul-ob og longsleeve, pantalon, black helmet ang mitulis ug dayon sibat sakay sa color black nga NMAX nga motorcycle.
Ginasubay na sa kapulisan sa Talomo, ang mga CCTV Camera sa nasampit nga lugar aron mailhan ang duha ka suspect.
Nahinabi usab sa DXDC RMN Davao si alias Sam Staff sa maong establisemento, malampusong nakuha sa mga suspetsado ang dakong kantidad sa salapi nga dol-an 1 ka milyon ka pesos lakip na ang upat ka mga cellphone. Segun ni Sam, walay security guard nga nagbantay sa maong establisemento.
RadyoMaN Don Pulayao
Facebook Comments
