Sa interview sa DXDC RMN Davao kang PCpt. Jefferson Pelovello, Chief of Police sa Lupon MPS, iyahang gisaysay nga uban ang upat pa ka personahe, ilang girespondehan ang report sa usa ka negosyante nga gitiunan og .38 kalibre nga pistola sa usa ka wala mailhing lalaki ug gikuha ang iyahang kwarta kantidad P1,550.
Sa dihang ilahang na-identify ang suspect base sa description sa biktima, didto na kini giduol ug gisita apan nagpabuto ang suspect rason nga naigo sa dughan si Pelovello, hinungdan nga mibalos usab kini ug naigo ang suspect nga nagbaton og tulo ka samad nga maoy rason sa iyang kamatayon.
“Ako pud ang naka-pin down sa iyaha kay ang suga naka-high. So paingon sa iyaha (sa suspect). Tapos akong tropa wala sila kabuto kay ako may naa sa atubangan. Dili man sila kabuto kay kung magpabuto sila, basin maigo pa hinuon ang naa sa likod,” saysay ni Pelovello.
Matud ni Pelovello nga kanhi na napriso ang suspect. Nasayrang organisado na ang ilang grupo. Gani naga-operate sila sa ilang iligal nga aktibidad sa Mati City, Davao Oriental padulong na sa Tagum City, Davao del Norte.
RadyoMaN Kirby Manzon
