Davao City- Samdan nga gidala sa Southern Philippines Medical Center ang usa sa tulo ka tulisan human misukol sa mirespondeng kapulisan.
Giiala sa otoridad ang angol nga suspek nga si Jomar Maynagcot, hamtong pangidaron ug nagpuyo sa sto. NiƱo Riverside, Sasa nga maoy gitudlo nga mitulis ug mikulata sa biktima nga si Martin Paul Aldea Jr., 29 anyos ug residente sa DoƱa Paz Subd. old airport, Sasa ning siyudad.
Sa report, nag-deliver og gi-order nga pagkaon sa customer ang biktima sa maong lugar alas 12:00 sa kagabhion apan pagbalik sa agi ni Martin Paul kalit gibabagan ni Maynagcot ug uban sa duha niya ka kauban nga giilang sila Eeron Monton ug James Carl Andres ang dalan.
Mideklarang tulis ang tulo sa biktima ug gipugos og kuha ang usa ka libo ka pesos nga bayad sa customer apan wala pa matagbaw ang mga suspek ug gitabangan pa og kulata ang biktima apan maayo na lang kay naka-ikyas kini ug nakapangayo og tabang sa kapulisan.
Paspas nakaresponde sila Police Corporal Ruel Macaldo ug Pat Amyer hinungdan nadakpan sila Andres ug Monton.
Apan si Maynagcot mibunlot sa iyang kutsilyo ug misuway og atake kang Amyer maong napusilan kini.
RadyoMaN Joel Viray
