Davao City – Nasikop sa kapolisan sa Sta Ana PNP ang usa ka gituohang tulisan kinsa nang hold up og estudyante alas 10:00 sa kagabhion didto sa dalang Jp Laurel Ave.Corner Jacinto St. siyudad sa Davao.
Sa report gikan sa Sta Ana Pnp ang dinakpan mao si Rennie Antonio Jimenez, 42 anyos usa ka traysikad driver nga taga Washington Purok 10 Barangay 39-D samtang ang biktima nailang si John Neri Luayon, 19 anyos nagpuyo sa Block 72 Lot 29 Jade St. Tigatto Buhangin ning dakbayan sa Davao.
Base sa blotter sa kapulisan, samtang ang biktima nag atang og PUJ sa nahisgutang lugar kalit kini giduol sa suspek og nanion ug kutsilyo dayon deklara og hold-up. Nakuha sa suspek ang cellphone sa biktima nga mukantidad og 10,000.00 pesos.
Matod pa, gigukod sa biktima ang suspek padulong sa may Jacinto ug nangayo og tabang sa mga pulis nga nagpahigayon og surveillance sa maong lugar hinungdan sa daling pagkasikop ni Jimenez.
Nakuha sa suspek ang cellphone sa biktima, usa ka kutsilyo ug duha ka sachet sa gituohang shabu.
Balhug na sa Sta Ana Pnp ang suspek ug mag-atubang og kasong kalapasan sa RA 9165 Comprehensive Dangerous Drugs Act of 2002.
RadyoMaN Don Pulayao
