Davao City – Gipangdala sa balay-tambalan ang duha ka mga lalaking hamtong ang pangedaron ug usa ka 14 anyos nga batan-ong lalaking studyante human kini nadisgrasya sa ilang gipang sakyang mga motorsiklo.
Mga biktima naila nga sila si Muniber Villejo Anavisa, 30 anyos, residente sa Brgy. Suminao, Paquibato District ning syudad uban ang angkas niini nga si Archie Togonon, 14 anyos, studyante, ug ang kasugat usab niini nga motorsiklo nga gimaneho ni Darwin Arcebal Cabrrera, 28 anyos, residente sa Ula, Tugbok ning syudad.
Sumala sa rekord sa Tugbok PNP, ihatod unta ni Mr. Anavisa ang iyang pasaherong studyante paingon sa Mintal gikan Calinan sakay sa iyang motorsiklo samtang si Darwin nagbyahe gikan Ulas. Migawas sa linya si Darwin ug aksidenteng nasaghiran ang tanke sa kasugat niining motor hinungdan nga nawad-an kini og control ug pagkatumba sa duha ka mga motorsiklo.
Nakaangkon og pipila ka mga bun-og sa lain-laing parte sa kalawasan ang duha ka mga driver apil ang 14 anyos nga batan-ong studyante.
Gipangdala ang tulo ka mga angol sa pinakaduol nga balay-tambalanan didto sa area sa Tugbok PNP.
RadyoMaN Paul Canono
