Davao City – Gidabdaban sa mga awtoridad sa adlaw’ng Miyerkules ang nagkantidad sa P300K plantasyon sa marijuana nga nadiskubrehan sa Sitio Lower Napo, Brgy. Zaragoza, Manay, Davao Oriental.
Sa interbyu sa RMN Davao kang PMajor Jason Baria ang tigpamaba sa Police Regional Office XI nga aksidente ra kining napalgan sa mga kapulisan kinsa nagpahigayon og manhunt charlie operation batok sa mga wanted persons sa maong lugar.
Giaresto ang tulo ka mga naabtang giingong caretakers sa maong mga marijuana nga magpamilyahan nga nga sila Susano Esperacion Tipayan, 64 anyos, Julieta Aplag Tipayan, 54 anyos ug Junal Joseph Aplag Tipayan, 25 anyos.
Samtang, gibutyag ni Manay Chief of Police Niel Regalado nga gipasang-at na ang kasong maypaglapas sa RA 9165 batok sa tulo ka mga naarestong suspek.
RadyoMaN Aimee Guinita
