Tulo dakpan sa sugal

8

Davao City – Preso sa selda sa Sasa PNP ang tulo ka lalake tungod sa pagsugal og tong-its sa Doña Asuncion Pampanga ning siyudad.

Giila ang mga dinakpan nga mao sila si Alberto Acebo, Zacaria Tumog ug Marlou Florendo, pulos hamtong ug mga residente sa nasangpit nga lugar.

Natiktikan sa intel operatives ang pagsugal sa tulo mao gikasa ang pagronda alas 7:30 sa gabii.

Nakumpiska sa kapulisan ang mga paraphenalia sa tong-its uban sa kapin 200 pesos nga pusta.

Ang tulo ka suspek pasakaan og kaso subay sa kalapasan sa Presidential Decree No. 1602 kun Anti-Illegal Gambling.

RadyoMaN Joel Viray

Facebook Comments