Davao City – Nag-awhag ang usa ka netizen sa social media nga dili magkumpyansa kung anaa sa pampublikong lugar tungod wala nay gipili matud pa ang mga tawong adunay dautang tinguha.
Subay sa post sa netizen nga si Yam Madulara, gipakita niini ang kuha sa CCTV camera diin siya gisunod sunuran ug gipalibutan sa tulo ka mga hamtong nga babaye nga ang tumong diay mao ang iyang pitaka sa usa ka ukay-ukayan sa Trade Center, Tagum City sa nakalabay nga semana sa Mayo 2024.
Nagmalampuson ang mga babaye ug nakuha gyud ang iyang pitaka diin apil sa nadala ang mga importanteng mga card, dokumento ug IDs.
Hinuon na-blotter na kini sa kapulisan ug nanawagan ang biktima nga bahalag wala na ang kwarta basta mauli lang kaniya ang importanteng mga dokumento.
Tambag pa sa netizen nga si Mary Ronario nga dapat gyud ibutang sa atubangan ang sirado nga bag tungod ubay-ubay na sab ang nakawatan sa susamang lugar.
RadyoMan Ivy Parido
Facebook Comments
