Pagadian City – Gisuta pa karon sa awtoridad kun pila ang kinatibuk-ang damyos sa paghapak sa alimpulos sa syudad sa Pagadian ning probinsya sa Zamboanga del Sur niadtong sabado sa hapon.
Gikompirma ni City Disaster Risk Reduction and Management Officer Haron Damada nga nisaka 45 ka balay ang giguba ug siyam niini ang dili na mapuslan nga gilangkuban sa tulo ka barangay .
Ang apektado nga barangay mao ang Brgy. Tuburan, Kawit ug Muricay.
Sa nadawat nga taho sa RMN Pagadian nipundo og pipila ka segundo ang hangin hinungdan nga nalangkat ang atop sa daghanang balay sa maong dapit.
Wala usab naka-ikyas ang puno-an sa kahoy, poste sa koryente nga gilukat sa kusog nga hangin.
Daw bak-bak nga naglukso-lugso ang kusog nga hingop sa hangin nga niigo sa tulo ka barangay.
Hinoon walay gikataho nga nakalas o nasamdan sa maong hitabo.
