Dumalinao, Zamboanga del Sur – Patay ang tulo ka bata dihang na tangong sulod sa ilang pinuy-anan human gilamoy sa kalayo ang mga panimalay sa Purok Talaba Barangay Camanga, Dumalinao, Zamboanga del Sur alas 9:20 kagahapon sa buntag.
Sa impormasyon gikan sa Pagadian City Central Fire Station, giila ang nakabsan nga mga biktima nga sila si Princess Jenevive Betzusa, 8-anyos, Marvin Betzusa 3-anyos ug Clarkleen Jay Perolino, 4-anyos nga napagod sulod sa ilang pinuy-anan.
Sumala ni Chief Inspector Dionisio Cayudong, Ground Commander sa BFP-Pagadian, nagsugod ang kalayo sa kusina nga bahin ug daling nakatay sa tibuok balay nga gama sa light materials.
Na-trap ang mga bata dihang niulbo ug wala na makagawas sa balay dihang gikandauhan ug gibyaan sa ilang mga magulang nga 18-anyos ug 15 -anyos.
Nisulay pa unta pagsalbar ang mga silingan apan dili sila makaduol gumikan sa kadako sa kalayo nga niugdaw sa maong balay.
Wala mahiluna ang amahan sa mga bata nga construction worker nga si Bimbo Bitzusa dihang niabot sa lugar ug hangtud dili pa makadawat sa hitabo.
Mobalor sa 10,000 pesos ang kabtangan nga naabo ug gipahaluna na usab ang patay nga lawas sa mga bata.
