Tulo ka customer, 2 guard gikasuhan

Davao City-Gikasuhan na San Pedro Police Station kagahapon ang tulo ka mga customer ug duha ka security guard human nga nalambigit sa komosyon sulod sa usaka bar sa may San Pedro Street, ning dakbayan.

Sa interview sa DXDC RMN Davao kang Police Major Marvin Hugos, Station Commander San Pedro Police Station gibutyag niini nga kasong alarm and scandal ang gipasaka sa korte batok sa lima ka suspects nga sila alias Rockman,32 anyos,taga Bugac Ma-a,Pedro, 33 anyos,Tirso, 40 anyos ug laing duha ka guwardya nga sila Hamin, 44 anyos ug alias Ronald, 44 anyos, taga Purok 3, Waterfall, Panabo City.

Segun ni Hugos,kining lima ka mga suspect nag-uban og inom apan sila ra usab ang nag-away hinungdan nga nakahatag kini og kasamok.

Gikataho nga adunay nadungog ang usaka empleyado nga buto sa armas sa maong bar apan ug giimbestigar pa kini karon sa kapulisan.

Kahinumdoman nga nakadawat og tawag ang San Pedro Police Station gikan sa Central 911 kabahin sa nahitabong komosyon diin daling miresponde ang kapulisan resulta sa pagkasikop sa lima ka mga suspetsado nga nagbuhat sa maong kasamok.

RadyoMan Don Pulayao