Davao City – Sikop sa kapolisan ang tulo ka drug pusher sa managlahing buy bust operation human nakuhaan sa lain-laing sizes sa sachet sa shabu, kantidad og dul-an P10,000.00.
Nadakpan sa Talomo Police Station mao sila Red Russel Buenacosa, 21 anyos, residente sa Brgy. Leon Garcia, Agdao ug Rolly Boy Escarpe, alias Okong, 27 anyos, pump boy ug nagpuyo sa Purok 13-B Dapsa , Maa, dakbayan sa Davao.
Samtang arestado sa Sta Ana Police Station ang laing tigpayuhot nga si Rasul Lim, 28 anyos, taga Purok 8, Brgy. Tomas Monteverde ning siyudad.
Narekover sa kapolisan ang dul-an napulo ka pakete sa gituohang shabu, usa ka unit nga Suzuki single motorsiklo nga maoy gigamit sa iligal nga transaksiyon lakip nakumpiska ang illegal drug paraphernalia.
Mga dinakpan pasakaan og kaso tungod sa kalapasan sa R.A 9165 kon Comprehensive Dangerous Drugs Act of 2002.
RadyoMaN Don Pulayao
