Davao City – Unang nasikop sa buy bust operation sa Toril Police Station, ang usa ka lalaki nga si alyas Dodong, 20 anyos, taga Toril, Davao City, alas 8:00 sa gabii niadtong September 13, 2023 human napalitan og shabu sa usa ka pulis. Nakuha usab sa suspect ang mga lain pang pakete sa nga motimbang sa 1.13 grams nga mokantidad sa Php 18,080.00.
Nadakpan usab sa Buhangin Police Station, sila Thomas Canas, 46 anyos ug Johnson Huerta, 32 anyos, taga Monkayo, Davao de Oro alas 2:32 sa hapon September 13, 2023 sa Cabantian, Buhangin, Davao City.
Ang duha ka suspect napalitan og shabu kantidad og P9,000. Nakuhaan usab ang mga suspek og 4 pa ka pakete nga shabu nga motimbang sa 6.5 grams nga adunay street market value P104,000.
Ang tulo ka dinakpan kasohan tungod sa kalapasan sa RA 9165 o Comprehensive Dangerous Drugs Act of 2002.
RadyoMaN Don Pulayao
Facebook Comments
