Davao City – Tulo ka mga estudyante ang gipangsikop sa Sta. Ana PNP human nagsinumbagay kaniadtong adlawng Sabado, ala 1:50 sa kadlawon sa may JP Laurel Avenue, Bajada syudad sa Davao.
Subay sa blotter sa Sta. Ana PNP, naila ang tulo ka dinakpan nga mao sila Nikko Jane Parras, 30 anyos residente sa Porras st. Bario Obrero Brgy18-B ning siyudad , Jessie Bornasal, 20 anyos, nagpuyo sa Phase 2 Isla Verde, Panacan ug Levin Karl Sadural, 21 anyos, residente sa Mapa Bajada, Brgy 12-B ning dakbayan sa Davao.
Sumala pa sa report samtang ang Sta. Ana PNP nagpahigayon og mobile patroling sa nasangpit nga lugar sa pagpanguna ni Police Officer 1 Morales, naabtan sa mga pulis nga nagbinukbokay ang mga suspek hinungdan nga naalarma ang mga residente ug nakahatag og disturbo niadtong tungora gani daling gipang aresto sa mga otoridad ang mga estudyante diin nahibaloan nga gikan nag inom ang tulo ug nahubog.
Ang tulo ka mga estudyante gikustodiya sa Sta. Ana PNP human nakalapas sa anti-nuisance ordinance dinhi sa dakbayan.
RadyoMaN Don Pulayao
