Davao City – Nakit-an na ang tulo ka mga bata sulod sa usa ka dakong mall ning siyudad sa Davao ug nakauli na ngadto sa ilang pinuy-anan sa Km. 4 Hilltop Village, Barangay 19-B, Bajada, Davao City.
Kahinumdoman nga ang tulo ka mga bata gituohan nga gidagit sa binabaye diin ang mga biktima nagpangedaron pa lamang og 8 anyos ang duha samtang ang usa nag-edad pa og 10 anyos.
Sa esklusibong interview sa DXDC RMN Davao ngadto kang Police Major Melvin Joseph Violan, Station Commander San Pedro PNP, gikanayon niini nga walay kamatuoran nga gidagit ang maong mga bata.
Matud ni Violan nga giilad lang sa suspek ang mga bata nga mangaon ug palitan og cellphone hinungdan nga na-engganyo sila sa pagkuyog.
Sa pagkakaron nakauli na ang tulo ka bata ngadto sa ilang tagsa-tagsa nila ka pinuy-anan uban ilang mga ginikanan.
RadyoMaN Don Pulayao
