Tukuran, Zamboanga del Sur – Giukoy sa mga kapulisan sa Tukuran, Municipal Police Station sa pagpangulo ni Police Captain Jubail S Grar ang tulo ka lalake nga nagpahigayon ug illigal nga sugal dihang dapita sa Mercado Publiko sa Purok Makugihon, Sto. NiƱo, Tukuran, Zamboanga del Sur.
Sa may alas 4:15 ang takna kagahapon sa hapon naaktuhan nga gasugal og Toss Coin, Cara Y Cruz “Hantak.” ang tulo ka suspek nga sila si Jonathan Banawa Padilla, 19-anyos, ulitawo, driver, residente sa naasoy nga lugar nga maoy (Bankero) ug duha ka nitaya nga sila si Rendy Lamban Aras, 18-anyos, ulitawo residente sa Purok Kinhason, Panduma, Tukuran Zamboanga del Sur, Cresente Pino Magdadaro, 38-anyos minyo, driver ug residente sa Purok Narra, Tinotongan, Tukuran, Zamboanga del Sur.
Nakuha atol sa maong operasyon ang sugal nga nagkantidad sa 140 ka pesos.
Ang maong mga suspek ang gidala ngadto sa Tukuran Municipal Police Station alang sa Tukmang disposisyon.
