Davao City – Balhug karon sa selda sa Sta.Ana Police Station, ang tulo ka mga durugista nga naaresto sa sunod-sunod nga buy bust operation sa mga operatiba sa presinto uno ubos sa pagdumala ni P/Maj.Benkalin Baluan Sta.Ana Police Station Station Commander.
Unang nasikop ang maghigala nga sila Mark Gregorie Suazo Amper, alias Mclord ug Bryan Flores Bañados, hingkod ang edad parehong residente sa Purok.12, Brgy.31-D, Quezon Blvd.,ning dakbayan sa Davao.
Nakumpiska sa mga dinakpan ang lima ka mga pakete nga illegal drugs kon shabu nga dunay street value nga P5K.
Dakpan usab ang laing drug pusher atubangan sa kapilya sa buybust operation sa mga operatiba pasado alas 10:00 sa gabii sa New Fatima Vill., Brgy.Centro, Agdao ning dakbayan sa Davao.
Ang dinakpan naila nga si Headrian Valenzuela, 22-anyos, alias “Ian”, vendor ug residente sa nasangpit nga lugar. Narekober gikan sa posisyon sa dinakpan, ang duha ka mga pakete nga shabu nga dunay street value nga P2K. Kasong paglapas sa RA 9165 ( Comprehensive Dangerous Drugs Act of 2002) ang atubangon sa mga dinakpan.
RadyoMan Don Pulayao
