Davao City – Kasong kalapasan sa RA 9165 o Comprehensive Dangerous Drugs Act of 2002 ang ipasakang kaso sa Sta. Ana Police Station karong adlawa September 18, 2023, batok sa tulo ka dinakpan human napalitan sa gidiling druga sa buy bust operation sa Purok 4, Barangay Maa, Davao City.
Sa report sa Sta. Ana Police Station, naila ang mga dinakpan nga sila Alain Peligrino, alias ‘Allen’, 48 anyos, Luke Peligrino, 27 anyos ug Jericho Rama, 19 anyos, Top 1 City Level og parehong residente sa nasampit nga lugar.
Narecover sa kapulisan gikan sa posisyon sa mga suspect, ang unom ka medium size heat sealed transparent plastic sachet nga gituohan shabu ug laing 17 ka gagmay’ng pakete sa shabu, usa ka cellphone og mga illegal drugs paraphernalia.
Gibana-banaang anaa sa 33.76 grams nga adunay street value P540,160. Ang tulo ka dinakpan gipriso sa Sta. Ana Police Station.
RadyoMaN Don Pulayao
Facebook Comments
