Tulo ka kabataan nga gituohang biktima sa summary killings, ilubong na karong hapon

48

Mga ala una karong hapon ilubong na sa pamilya ang tulo ka kabataan nga nakit-ang patay sa Sta. Ines, Malitbog, Bukidnon niadtong Martes sa hapon.

 

Mahinumduman nga gipangita sa pamilya ang tulo ka biktima sa dihang wala makauli human gisikop sa kapulisan sa Tagoloan, Misamis Oriental kay suspek matud pa sa snatching sa lugar.

 

Lakip sa ilubong karong adlawa sila Don Remar Andales, 23 anyos, Vincent Viemer, 24 anyos ug Clifford Abales, 21 anyos nga puros taga Barangay Tambobong, Villanueva, Misamis Oriental.

 

Ihapit una sa pamilya ang patayng lawas sa mga biktima sa opisina sa Tagoloan Municipal Police Station dungan ang pagpangayo sa hustisya sa pagkamatay niini nga gituohang mga biktima sa summary killings.

Facebook Comments