Patay ang usa ka lalaki samtang duha ang samaran sa dihang gibato ug gidunggab sa duha ka wala mailang suspect mga alas 12:45 kaganinang tungang kabi-e sa Sitio Macanhan, Carmen ning syudad sa Cagayan de Oro,
Matud ni Carmen Police Chief, Chief Inspector Denver Vergara nga ang biktimang namatay mao si Paulo Claren nga taga Habitat, Barangay Indahag.
GIbutyag ni Vergara nga si Claren, dead on arrival sa J.R. Borja General Hospital,
Lakip sa mga biktimang samaran, apan naka-ikyas sa kamot sa mga suspek mao silang Ram March Jamero, 26 anyos nga taga Lapas Uno, Barangay Lapasan ug Ariel Dalion, 19 anyos nga taga Manggahan, Balulang ning syudad.
Matud ni Vergara nga base sa ilang imbestigasyon nga ang tulo ka mga biktima, nagsakay sa ilang motorsiklo ug sa ilang pag-abot sa Area 4, Phase 2, Sitio Macanhan gibato sila sa duha ka wala ma-ilang suspek.
Sa dihang natumba na ang motor nga gisakyan sa mga biktima, gipang-dunggab sila sa mga suspetsado nga naghatud sa kamatayon ni Claren.
Matud ni Vergara nga ilang gilunsad karon ang ilang follow-up operation aron ilhon ang mga suspek ug pasakaan sa kaso sa hukmanan.
