Tulo ka lalaki, gipasakaan og kaso tungod sa tong-its

30
PC: Misamis Oriental PPO

Gipasakaan na og kaso sa kapulisan sa Gingoog City Police Office ang tulo ka mga lalaking nasapong nagdula sa tong-its sa Purok 1, Barangay 16, Gingoog City.

 

Kini ang gibutyag ni Police Supt. Ariel Philip Pontillas, Hepe sa Gingoog City Police Station sa interview sa dxCC-RMN Cagayan de Oro.


 

Ang mga suspek mao silang Cristituto Abian Edo, 61 anyos, minyo ug taga Baol Street, Barangay 21, Rico Pagayaman Umpad, 49 anyos, taga Barangay 18-A ug Pablito Tabamo, 61 anyos, minyo, motorela driver ug taga Barangay 9 sa maong syudad.

 

Nakuha gikan sa tulo ang usa ka set sa braha ug 233 pesos nga taya.

 

Gidugang ni Supt. Pontillas nga naghulat pa ang kapulisan sa Gingoog sa desisyon sa huwes alang sa tulo ka mga dinakpan.

Facebook Comments

From Advertisers