Tulo ka langyaw nagpabuto’g pyrotechnics sa Chinese New Year kasohan karong adlawa

Kasohan karong adlawa Pebrero 12, 2024 sa Talomo Police Station, ang tulo ka Chinese national human nagpabuto og pyrotechnics niadtong milabay’ng adlaw, alas 12:06 sa tungang gabii atol sa pagsugat sa Chinese New Year sa Royal Pines Subdivision, Shrine Hills, Matina, Davao City.

Sa interview sa DXDC RMN Davao kang Police Captain Hazel Tuazon Tigpamaba sa DCPO gisulti niya, mag-atubang og kasong kalapasan sa Firecracker Ban nga gipatuman sa dakbayan sa Davao batok sa tulo nga sila Timothy Tan, hingkod ang edad,Thang Su, hingkod ang edad, parehong residente sa maong subdivision ug Wang Su, taga Purok 10, Beach Poblacion, Maco, Davao De Oro.

Segun ni Tuazon, adunay nakakita sa pagpabuto sa tulo sa maong lugar, hinungdan daling
girespondehan sa mga awtoridad ug naglusad og occular investigation.

“Kay naa pod tay witness nga nakuha sa Talomo Police Station nga andam nga mohatag sa ilang statement in support sa kaso nga atong i-file against sa tulo ka Chinese Nationals “,sulti ni Tuazon.

Kahinuduman, adunay concern citizen mitawag sa kapulisan sa Talomo nga nagpahibalo nga usa ka pyrotechnics ang gigamit sa pagpabuto nga nakahatag og kabanha o disturbo sa mga silingan, hinungdan daling gi-aksyonan sa kapulisan.

RadyoMaN Don Pulayao