Tulo ka langyaw sikop sa smuggled nga sigarilyo gikan Indonesia kasohan

Davao City – Gipresenta sa media kagahapon sa hapon sa Naval Forces Eastern Mindanao, Panacan, Davao City, ang 50 ka carton sa smuggled nga sigarilyo nga mokantidad og 2 ka milyon ka pesos nga gisakay og motorized banca og nadakpan alas 10:00 sa gabii sa kadagatan sa Balut Island, Sarangani, Davao Occidental, sakay ang tulo (3) ka Indonesian nationals kagahapong adlawa Disyembre 12, 2023.

Sa interview sa DXDC RMN Davao kang Commander Ronald Paras, Naval Task Force Group 70.1 gisulti niya, ang tulo ka langyaw mag-atubang og kasong smuggling, usa niini giila nga si Joel Rakinaung Dalisang, human nakapresenta sa iyang valid ID.

Segun ni Paras, ang tulo ka dinakpan walay gipresenta nga mga dokumento sa ilang cargo ug illegal entry sa Philippine territory ang gihimo sa tulo ka langyaw.

Ang tulo ka dinakpan gitakdang i-turn-over sa Sasa Police Station, aron i-proseso ang kaso, samtang ang 50 ka carton smuggled nga sigarilyo gikustodiya sa warehouse sa Bureau of Costume (BOC) sa Panabo City.

Gipasabot sa opisyal, gipalawman ang inbestigasyon og dili mabutyag sa publiko kung kinsa ang tag-iya sa smuggled nga sigarilyo o posibleng adunay grupo nga nagpaluyo niini.

RadyoMaN Don Pulayao