Aloran,Misamis Occidental – Gidagit sa mga rebeldeng New People’s Army
(NPA) ang tulo ka mag-uuma human ang engkwentro sa tropa sa mga
kasundalohan sa lungsod sa Aloran, Misamis Occidental.
Sumala ni Captain Benjie Jimenez, acting chief sa Public Affairs Office
sa 1st Infantry Division (ID), ang insidente gitaho sa ngadto sa
militar nila ni Aloran Mayor Junie Roa ug Brgy. Chairman Marieta
Dologaog.
Lakip sa mga gihostage ang magti-ayon nga sila si Renie ug Aireen Ando
diin 500 metros lamang ang gilay-on sa ilanng panimalay sa dapit
nahitabuan..
Gidugang ni Jimenez, nga samtang paikyas na ang kapin 10 ka mga miyembro
sa rebeldeng NPA dihang gilakag sa tropa 10th Infantry Battalion (IB)
sa Brgy. Sinampongan.
Arun dili makasuinod ang Militar, gihostage sa mga rebelde ang tulo
mag-uuma og gihimong “human shields”.
Hinoon human ang pipila ka oras gibuhian sa mga rebelde ang tulo ka
mag-uuma dungan ang pagdagan paingon sa kalasangan.
Gikondina usab ni Major Gen. Roseller Murillo, commander sa Joint Task
Force Zampelan ang pagpang -hostage sa mga teroristang NPA sa mga
sibilyan.
