General Santos City–Magkaparehoang nahimong reaksyon sa tulo ka mga magtutudlo sa usa ka pampublikong tunghaan sa Gensan bahin sa isyu kung makatarunganon ba ang 10,000 mil nga usbaw sa ilahang sweldo kung kini mapatuman gayud ni pangulong Rodrigo duterte.
Sumala pa nilang Charisa,Shiela Ug Russel (Gituyo ug tago ang pangalan) nga dako ang ilang kalipay kung mapatuman ang maong usbaw sa sweldo gumikan kay makahatag kini ug dakung tabang alang sa ilahang galastuson sa panginahanglanon sa eskwelahan nga sumala pa niini, dunay panahon gayud nga makagasto gayud sila nga gikan sa kaugalingon nilang kwarta aron lamang mapanindot ug matagbo ang kinahanglanon sa mga estudyante.
Gani nakatabang pod sila sa mga estudyante kadtong walang-wala gayud pinaagi sa pagpalit ug mga gamit sa eskwelahan.
Dugang pamahayag sa mga magtutudlo tama-tama lang gayud ang ilang ginadawat nga sweldo alang sa ilahang pamilya mas maayo matud pa kung dunay sobra gamay aron duna silay magamit alang sa panginanglanon sa matag adlaw. (Reynald Timario)
