Gilayong nakapyansa ang usa ka wanted human kini nasikop sa gihimong manhunt operation sa Katipunan MPS didto sa may Purok 2, Barangay Uno, lungsod sa Katipunan niadtong adlawng martes.
Ang dinakpan mao si Dick Soro Romarate, 53 anyos, nagpuyo sa nahisgutan nga dapit ug kanhi Human Resource Manager/Officer sa munisipalidad sa Katipunan, Zamboanga Del Norte.
Nasikop kini siya pinaagi sa warrant tungod sa kasong paglapas sa Art. 218 sa Revised Penal Code Failure of an Accountable Officer to Render Accounts, 30 ka ihap ang giatubang nga kaso ug adunay P6,000.00 matag usa, suma total P180,000mil Ang balor sa iyang pyansa.
Kasamtangan karong gawasnon na sa bilangguan human naka pyansa sa kantidad nga gipangayo sa korte bugti sa iyang kagawasan.
Sa lungsod sa Sindangan, naghimo usab ug operasyon ang kapulisan sa pagpanguna ni SPO1 John Henrick C. Ferolino uban ang sakop sa sindangan MPS didto sa may barangay Tinaplan sakop sa maong lungsod.
Bitbit nila ang warrant gikan kang Judge Nimfa B. Carreon Padao sa kasong attempted Homicide , malampuson nga nasikop si Rueno Anduga y Amagon, 22 anyos nagpuyo sa maong barangay.
Tingkagol pa karon ang maong wanted sa Sindangan Locked-up cell samtang padayon ang imbistigayon.
Samtang sa miaging adlaw naghimo ug operasyon ang kapulisan sa Manukan sa pagpanguna ni PSI Benjamin Casano Napigkit uban sa iyang sakop didto sa Zone 2, Patag, Cagayan de oro City, probinsya sa Mis. Or. Pinaagi usab sa tabang sa Carmen Police Station 4, sa pagpanguna ni PSI Demver Mendoza Vergara batok sa Top 9 MWP.
Sikop si Norman Dagaya y Sarangaya alyas Butchoy, 34 anyos usa ka labor sa construction, nagpuyo kini sa Brgy. Carlos P. Garcia, Guitagum, Mis. Or.
Ang nahisgutan nga dinakpan aduna kini tanggong nga warrant of arrest nga giisyo sa MTC Manukan sa kasong Direct Assault upon an Agent of a person in Authority, ilawom sa CC no. 3209 penetsahan kini ug Pebrero 23, 2015.
Anaa na karon kini gidala sa Manukan MPS alang na unyasa tukmang lakang batok sa dinakpan.
