Davao City – Ipasang-at ngadto sa piskalya ang kasong may paglapas sa RA 9165 batok sa tulo ka mga suspek kinsa nakuhaan og nagkantidad sa P840,000 nga marijuana.
Priso sa Bunawan PNP ang mga suspetsado nga sila Ali Shaquille Yosores Biruar , 21 anyos, residente sa Phase 3 Blk. 19 Lot 21 NHA Bangkal, Feljun Lavilla Toledo, 34 anyos, taga-Mangahan, Crossing Bayabas, Toril ug Beboy Alvarez Carbonel, 20 anyos ug residente sa SIR Sandawa, Davao City
Wala makalusot niadtong ala-1:00 sa kaadlawon adlawng Sabado sa checkpoint sa may Sitio Licanan, Brgy Lasang, Bunawan District ang anaa sa 6 ka bugkos o anaa sa 7 ka kilos sa marijuana.
Namatikdan sa sundalong nag-inspeksyon ang gabugdo nga tulo ka mga backpacks sa backseat sa gisakyan nga puti nga taxi sa mga suspek ug didto na nahibaluan nga marijuana ang sulod niini.
Ang usa sa mga suspek nga si Carbonel ang nagmaneho sa maong taxi nga gikan pa og Mati pasulod og Davao.
RadyoMaN Aimee Guinita
