Sa interview sa DXDC RMN Davao kang Atty. Archie Albao, Regional Director sa NBI-XI gibutyag niini, ang tulo mibayad sa piyansang P80,000.00 ang matag usa sa Regional Trial Court (RTC) Branch 12 sa kasong child abuse.
Segun ni Albao, gisilbe nila ang warrant of arrest batok sa maong kapitan sa Barangay Tamayong, Calinan, Davao City partikular sa iyang pinuy-anan, samtang ang duha ka babayi ang boluntaryong mitahan sa ilang kaugalingon sa NBI-XI kagahapon.
Dugang ni Albao, atol sa pagsilbe sa warrant of arrest sa tulo ka lugar negatibo si Ptr.Quiboloy ug wala pa silay impormasyon kung asa na karon ang leader.
Gipasabot sa opisyal, sulod sa napulo ka adlaw human masilbe ang warrant of arrest, kung dili mopakita ang Pastor, ibalik sa korte ang warrant of arrest ug mag-agad sa piskalya, kung mag- isyu ba og ‘alias warrant’ batok sa Pastor.
“Actually as of this time ongoing pa ang pag-serve nang warrant may nagserve ngayon sa Samal and other places mayron din property si Ptr.sa Samal were is expecting na sana mag surrender si Pastor”, sulti ni Albao.
Kahinumduman, nigawas ang warrant of arrest ni Ptr.Apollo Quiboloy sa Regional Trial Court (RTC) Branch-12 sa duha ka kasong kalapasan sa RA 7610 o Sexual Abuse ug kasong Child Abuse kauban sa lima ka mga akusado.
RadyoMaN Don Pulayao
