Davao City – Nisiaw na pag usab kining mga batan-on nga nag riot sa kadalanan nga nakahatag og kaalarma ug public disturbance sa mga residente hinungdan tulo ka batan-on ang giendorsar ni Police officer 1 Ita-oc ngadto sa buhatan sa San Pedro PNP human nalambigit sa riot ala 1:10 sa kaadlawon nahitabo sa dalang Claveria ning dakbayan sa Davao.
Subay sa report gikan sa San Pedro PNP naila ang tulo ka batan-on nga mao sila Dixon Sabay, 18 anyos nga taga-Isla Verde Barangay 23-C Boulevard ning siyudad, Franciss John Demeray, 19 anyos ug Franciss Daya, 19 anyos nga taga Sta Cruz Davao del sur.
Matud pa samtang nag patrolya ang maong pulis iyang naaktuhan ang mga batan-on nga nagriot gawas sa usa ka bar may dalang Claveria.
Gikustodiya na karon sa Presinto Dos ang tulo ka mga batan-on diin nakalapas usab kini sa curfew hour subay sa city ordinance ning syudad.
RadyoMaN Don Pulayao
