Ramon Magsaysay, Zamboanga del Sur – Sikop sa kapulisan ang duha ka mga lalaki samtang boluntaryong mitahan usab ang usa niini ka kauban human kini nakalapas sa gipatumang Enhance Community Quarantine ug Liquor Ban kaniadtong nakalabayng gabie sa Purok 6, Barangay Esperanza, Ramon Magsaysay, Zamboanga del Sur.
Ang mga nadakpan nailang sila si Yolly Yuag Bacud, 44 anyos, minyo, usa ka mag-uuma ug Dick Omandam Maasin, 28 anyos, ulitawo pulos mga residente sa Purok 6, Barangay Esperanza, lungsod sa Ramon Magsaysay.
Nakumpiska gikan sa mga dinakpan ang duha ka botelya sa ilimnong makahubog ug ang usa ka shot glass nga puno sa ilimnong makahubog.
Dugtong niini, boluntaryong mitahan sa buhatan sa kapulisan ang usa nga kauban sa duha nga nadakpan nga nailang si Benjie Diolan Calunsag, 26 anyos, ulitawo, residente usab sa susamang dapit.
Kasong paglapas sa R.A. 11332 Sec. 9(e) in relation to Liquor Ban ang pagaatubangon sa tulo ka suspetsado.
(Photo: Ramon Magsaysay MPS)
