Tulo ka mga police sa Davao Oriental, giila ang dedikasyon

Davao City – Gipasidunggan sa Davao Oriental Police Provincial Office nga nakitaan og dakong dedikasyon sa pagtuman sa responsibilidad atol sa flag raising ceremony.

Alas 7:30 sa buntag, September 01, 2025 (Lunes), gipangunahan ni Plt. Col. Ernesto Gregore, Police Administrative and Resource Management Unit sa Davao Oriental Police Office ang aktibidad nga gihimo sa Admin Bldg., DOPPO Compound, Brgy. Dahican, City of Mati.

Ang seremonyo gihimo alang sa paghatag sa pasidungug sa mga outstanding police officer sa ilang talagsaon nga performance isip Top 3 Performing Police Station atol sa Simultaneous Anti-Criminality and Law Enforcement Operations (SACLEO).

Giila ang mga pulis nga sila si Plt. Col. Frederick Sa-ao, Acting Chief of Police, Mati City Police Station, Pcap. Ariel Ismael,OIC, COP, Cateel Municipal Police Station ug Pcap. Richard Teleron, Former Acting Chief of Police, Tarragona Municipal Police Station.

Nasayran nga ang maong pasidungug gihimo isip pag-ila sa mga pulis nga adunay kakugi ug dakong natampo sa kahapay ug kalinaw sa kumunidad.

RadyoMaN Bien Abanos