Tulo ka mga programa ug drama sa dyHP-RMN Cebu ang gipasiduggan sa 18th Cebu Archdiocesan Mass Media Awards (CAMMA) nga gipahigayon kagabie. Ang “Straight to the Point” ni Atty. Ruphil Fernandez Bañoc ang gideklara nga best radio Public Affairs program. Si Bañoc mao usab ang station manager sa dyHP. Samtang ang “Kini ang Akong Suliran” ang gipasidunggan og special citation isip best radio drama program ug “Ang Lungsod ug ang Balaod” nakadawat og special citation isip best radio Development Communication program. Si Auxiliary Bishop Dennis Villarojo sa iyang mensahe ang mihagit hinoon sa tanang media organizations dinhi sa Sugbo nga kanunayng ipagawas ang kamatuoran sa ilang pagbalita. Dugang niini nga isip channel of information, kinahanglan nga responsable ang mga sakop sa media sa pagpagawas og husto, sinsero ug morally upright nga impormasyon. Nasayran nga niadtong 1991 sa dihang gisugdan ang CAMMA, diin tuyo niini mao ang pag-agni sa print, television ug radio organizations nga motabang sa pag-promote sa christian values ug morals alang sa paglambo sa nasud.
