Tulo ka mga sakyanan, nagbangga sa Cugman!

11
Ang Revo atol sa panagbangga sa C.M. Rceto Highway, Brgy. Cugman / Photo by: RadyoMaN Anne Jane Duhaylungsod

Naguba ang usa  ka Revo nga sakyanan!  Kini human nga mibangga sa usa  ka elf sa C.M. Recto Highway, Barangay Cugman ning syudad.

Matud ni Police Executive Master Sergeant Marvin Yacapin ang imbestigador sa maong insidente nahitabo ang disgrasya mga alas 12:30 kagahapon sa udto diin usa ka Vios nga awto ang naangin.


Dugang pa ni Yacapin basi sa ilang imbestigasyon,  kusog ang dagan sa REVO padulong ning syudad.  Dihang mikawat kini og linya sa dalan hinungdan nga maayong pagkabangga niini sa Isuzu elf nga padulong sa direksyon pagawas ning syudad.

Samtang, dali nga gidala sa hospital ang driver sa REVO nga si Perales, Sayros Sebastian, taga Gitagum, Misamis Oriental diin gikabutyag nga naa sa peligro ang kahimtang niini tungos sa maong panghitabo.  Ingon man gidala usab sa hospital ang drayber sa elf nga 42 anyos, Ropino Lampasa, JR., taga Saint Ignatius, Barangay Macasandig ning syudad, human makaangkon og samad sa agtang.

Sa pikas bahin, matud sa drayber sa VIOS nga si Etchel Ederanggo  nga kalit kaayo ang pagbangga kanila sa elf, nga maoy hinungdan nga maayong pagkaguba sa windshield sa ilang sakyanan.

Facebook Comments