Dipolog City – Tulo ka mga single motor ang nagkarambola kagahapon bandang alas 7:45 sa buntag sa may national highway boundery sa Brgy. Sangkol ug Brgy. Congon dinhi sa dakbayansa Dipolog, diin niresulta sa kamatayon sa usa ka back rider og upat ang nanga-angol.
Sa nakuhang report sa rmn Dipolog, ang biktima namatay naila usa ka Lucio Crismundo 70 anyos, kinsa angkas sa iyang anak nga si Marlon Crismundo 41 anyos nga taga Brgy. Dangi, lungsod sa Polanco, maoy nagmaneho sa honda cb 150r kolor pula diin anaa na karon sa hospital.
Ang nakabanga nila naila usa ka Temmy Misario, 17 anyos nga taga Lapayanbaja, sakop sa lungsod sa Polanco kinsa nagmaneho sa honda wave kolor pula kinsa nabali-an sa walang batiis.
Samtang ang naangin sa banga ang xrm kolor puti ug pula combination nga gimaneho ni Ariel Descallar, 23 anyos, backride niya si Glaire Deo Pahulas, 21 anyos diin ang duruha polos taga Dapitan City og parehong nakahiagom sa minor injuries.
Nasayran nga ang honda wave ug xrm nagsunod paigon ang direction sa Brgy. Cogon samtang ang honda cb 150r paigon sa Dipolog City proper.
Sa dihang pagabot nila sa dapit hitaboan, ang batan-ong driver sa honda wave sumala pa nakatagpilaw diin nisimang sa pikas lane og nagbangaan ang kasugat honda cb diin mao usab ang nakaigo sa nagsunod nga xrm, hinungdan nangabagnos sila sa samentadong karsada.
Gumikan sa kakusog sa impact ang angkas nga si Lucio, wa naka helmet dead on the spot sa hitabo human nadakdak ang ulo sa karsada.
Ang driver sa honda cb ug wave gidala sa hospital ning dakbayan kinsa giobserbahan pa ang ilang kahimtang.
