Davao City-Arestado sa buybust operation ang tulo ka mga suspetsadong tigpayuhot og iligal nga drogas pasado alas 11 sa kagabhion sa Brgy 76-A, Davao City.
Sa spot report sa Talomo PNP, ang mga suspek mao sila si Jushua Bulagad, 27 anyos ug live in partner nga si Marivic de Asis, 23 anyos, nanimuyo sa maong Brgy., sikop sab si Ferdinand Caina, 34 anyos, ulitawo ug nagpuyo sa Brgy. 37-D Boulevard ning syudad.
Nakuhaan ang mga dinakpan og tulo ka sachet sa shabu sa dihang gipalitan ang mga suspek sa usa ka pulis nga nagpaka aron ingnon nga poseur buyer gamit ang 500 pesos isip marked money.
Gimanmanan sa mga pulis ang tulo human nagpositibo ang taho nga ilang ginabaligyaan og illegal drugs ang mga estudyante sa Agro-Industrial Foundation College of the Philippine sa Ecoland ning syudad sa Davao.
Nagtingkagol na ang mga suspek sa Talomo PNP samtang giandam na ang mga dokumento sa pagpasaka og kaso.
Kasamang Erin Lumosbog
