Tulo ka miyembro sa NPA nga taga-Zamboanga del Sur nitahan sa kapulisan sa Zamboanga Sibugay

73

Zamboanga del Sur – Nitahan sa otoridad didto sa Zamboanga Sibugay ang tulo ka mga sakop sa New People’s Army (NPA) nga pulos residente sa Brgy. San Juan, San Pablo, Zamboanga del Sur.
Ang tulo ka kanhing sakop sa Communist Terrorist Group (CTG) boluntaryo nga nisurender ngadto sa 2nd Provincial Mobile Force Company nga gipangunhanan ni Police LT. COL Muammar Mukaram, Force Commander, Zamboanga Sibugay Police Provincial Office – Intel Branch and Regional Intelligence Unit 9 nga nakabase sa Barangay Tamin, Kabasalan, Zamboanga Sibugay alas 5:20 niadtong sabado sa hapon.
Giila sa OIC Regional Director sa PNP-9 nga Police BGEN Ronaldo Llanera, ang mga nitahan nga sila si alyas Noel, ulitawo, 29-anyos; alyas Lowi, ulitawo, 27-anyos ug alyas Mary Jane dalaga pulos lumulupyo sa Brgy. San Juan, San Pablo, Zamboanga del Sur nga parehong sakop sa Main Regional Guerilla Unit (MRGU) sa NPA.
Dala sa mga nitahan ang homemade 12-gauge shotgun; usa ka calibre 45 nga pistola nga dunay magazine nga gipaslakan sa unom ka buhing bala, laing mubo nga magazine sa M16, kutsilyo ug mga personala nga gamit.
Giproseso na karun ang tabang nga ilang madawat gikan sa Enhance Comprehensive Local Integration Program (E-CLIP) nag naglangkob sa reintegration assistance, immediate assistance, livelihood assistance, medical assistance ug uban pa.

Facebook Comments