Davao City – Gipangsikop sa kapulisan sa Davao City Police Office-Investigation Detective and Management Branch (DCPO-IDBM) ang tulo ka mga tao nga dunay kaso sa pagpanguna ni SPO4 Luga, ubos sa mando ni DCPO-IDMB chief Police Chief Inspector Oliver Navales natigayon alas 12:30 sa hapon didto sa Purok 31, Roman Diaz Calinan, siyudad sa Davao.
Subay sa report gikan sa IDMB, ang tulo ka dinakpan mao sila si Julius Maningo, hingkod ang edad, Deonita Fong, 58 anyos, ug laing Jose Fong, 62 anyos, pareho nagpuyo sa nasangpit nga lugar.
Ang tulo ka dinakpan adunay kasong Attempted Murder human gipakanaug ni Presiding Judge Leo Madrazo sa RTC 11 Branch 11 ning dakbayan.
Ang tulo ka dinakpan balhug na sa detention cell sa IDMB sa Davao City Police Office.
RadyoMaN Don Pulayao
