Pasakaan na og kaso karong adlawa ang tulo ka Philippine Drug Enforcement Agency o PDEA Agents ug usa ka kanhi PDEA Agent nga naglasong sa Fatima Subdivision, Barangay Pagatpat ning syudad niadtong Biyernes sa hapon.
Lakip sa tulo ka PDEA Agents mao silang Randy Dollente, Ramil Salido ug Jestoni Tubongbanua samtang ang kanhi PDEA Agent mao si Marvin Pabalate.
Lima ka mga taxi drivers usab ang nakapaabot sa ilang reklamo sa Bulua Police Station human matud pa sila nakulatahan, napukpok ang ulo, natutukan sa armas ug nakadungog sa buto sa armas atol sa maong insedente.
Nakuhaan usab sa upat ka long ug short firearms ang mga suspek nga naa karon sa Maharlika Detention Cell.
Facebook Comments
