Davao City – Nagkagot sa kasuko si Barangay 76-A Kapitan Rolando “Bogart” Trajera sa tulo ka sabungero kinsa nagpasiugda og tari sa Purok 23, Times Beach, Matina niadtong Biyernes Santos sa miaging semana.
Busa gi-hunting karon ni Kapitan Trajera ang tulo ka sabungero kinsa mga residente sa maong lugar aron madakpan ug pasakaan og kaso subay sa paglapas sa Enhanced Community Quarantine sa siyudad.
Nanganti ang Kapitan nga dili gayod niya lung-an hangtud masikop ang tulo busa gipapostingan na niya sa mga tanod ang mga balay aron diritso dakpon kung magpatim-aw ang mga nahisgutan.
Napungot si Trajera sa mga sabungero tungod sa ilang wala pagrespeto sa mga pahimangno sa barangay labot sa ‘stay-at-home’ labi na nga katulo ka higayon na siya nalutsan sa mga tari-tari subay sa Enhanced Community Quarantine nga gipatuman sa tibuok siyudad
RadyoMaN Joel Viray
