![WEBSITE-18-×-10-in-12.jpg](https://i0.wp.com/rmn.ph/wp-content/uploads/2024/05/WEBSITE-18-×-10-in-12.jpg?resize=696%2C387&ssl=1)
Davao City – Subling nagpahinumdom ang kapulisan sa Sta. Cruz, Davao del Sur nga gawas sa pagkondisyon sa lawas ayha mubyahe, siguraduhon sab nga kondisyon ang sakyanan.
Kini human nagkarambola ang tulo ka mga sakyanan gahapon, May 3, 2024 sa National Highway, Brgy. Astorga, Sta. Cruz, Davao del Sur.
Sa impormasyong gipadala sa DXDC RMN Davao gikan kang PLtCol. Kristopher Sabsal, ang hepe sa Sta. Cruz Municipal Police Station, migula sa imbestigasyon nga mibuto ang ligid sa sakyanan nga gimaneho ni Diony Mijares.
Tungod nawad-an og kontrol, mitabok kini sa pikas nga linya ug mibangga sa kasugat nga mga sakyanan.
Hinuon, anaa ra sa luwas nga kahimtang ang mga driver ug nagkasinabot nga mag-areglo.
RadyoMan Ivy Parido
Facebook Comments