Davao City – Samaran ang tulo ka mga sundalo nga sakop sa 46th Infantry
Battalion Philippine Army human nabuthan og landmine sa Sitio Lawaan, Brgy.
Kingking, Pantukan, Comval kaganinang alas 5:30 sa buntag.
Sa report gikan sa Police Regional Office kun PRO XI, giila ang mga
sundalong samaran nga sila CPL Michael P. Tabanao, PFC Albert R. Cahepe ug
PFC Jerome C. Penaranda nga daling gidala sa Comval Provincial Hospital
aron daling matambalan apan sa karon padayon silang nagpaayo sa DRMC,
Apokon, Tagum City.
Matud pa nga samtang gikan sila sa combat operation sakay sa behikulong KM
450 ug miagi sa nasangpit nga lugar, mibusikad ang usa ka Improvised
Explosive Device kun IED hinungdan sa pagkaangol sa tulo ka mga sundalo.
Dili pa matumbok sa kapulisan kung unsang grupo sa lawless elements ang
nagbutang og landmine diin sa karon padayon pa ang imbestigasyon sa
otoridad sa nasangpit nga insidente.
RadyoMaN Renz Barbarona
