Davao City- Arestado ang tulo ka mga suspetsadong kawatan nga miransak sa usa ka videoke machine sa Times Beach Barangay 76-A, Davao City.
Ang mga suspek sila si Lowell Delima Jr., 18 anyos, residente sa Times Beach Ecoland, John Louie Ruadin, 22 anyos, nagpuyo sa Poly Subdivision ug Melvin Abellana, 18 anyos, residente sa Times Beach Ecoland, Davao City.
Naaktuhan ni Carmina Gutong, cashier sa Aqua Marina Resort ang tulo nga giransak ang videoke machine ug gikuha ang 900 ka pesos alas 10:20 sa kabuntagon.
Nanawag og pulis ang biktima rason nga nasikop ang mga suspek ug karong adlawa gikatakda nga pasakahan og kaso sa piskaliya.
RadyoMan Erin Lumosbog
Facebook Comments
