Davao City – Nasikop sa mga personahe sa City Drug Enforcement Unit (CDEU) ang tulo ka mga tattoo artist human nakuhaan og shabu atol sa gilusad nga buy-bust operation alas 12:00 sa udto sa may F. Torres St. siyudad sa Davao.
Base sa report sa Intelligence Branch sa Davao City Police Office (DCPO), ang tulo ka mga dinakpan nga tattoo artist mao sila si Mark Corales, 32 anyos, minyo, residente sa Iñigo Village, Matina Pangi, Joven Soriano, 26 anyos, residente sa Brgy. Thomas Monteverde Agdao ug laing usa ka Rj Mahinay Fuentes, 33 anyos, tag-iya sa black Tribe Art Pub, residente sa Piapi Boulevard siyudad sa Davao.
Narekober gikan sa mga suspect ang usa ka rectangular-size heat sealed transparent plastic sachet, usa ka medium-size transparent plastic sachet ug laing usa ka rectangular-size transparent plastic sachet sa gituohang shabu lakip ang mga drug paraphernalia.
Ang tulo ka mga suspect balhog na sa detention cell sa City Drug Enforcement Unit sa DCPO ug gihikay na sa kapolisan ang kasong kalapasan sa R.A. 9165 kun comprehensive dangerous drugs act of 2002.
RadyoMaN Don Pulayao
