Wala gihatagan ug kahigayonan si Marjun Sullano nga maka pyansa human kini gisikop sa kapulisan sa lungsod sa Leon B. Postigo.
Si Marjun usa kini ka trabahante sa pribadong kumpanya nga naka base sa Mis. Or., kinsa nag atubang sa kasong pagpanglugos.
Hulyo 2019 nalutsan kini ug warrant sa korte, didto na kini gi panin-an ug saw ala madugay nahulog kini sa kamot sa awtoridad.
Samtang arestado si Carlito Pula nga taga Sitio Repoldo, Brgy. Sianib lungsod sa Polanco human kini gisilbihan ug warrant didto mismo sa iyang pinuy-anan.
Moabot sa 120mil nga pyansa ang gipangayo sa korte bugti sa iyang temporaryong kagawasan kalabot sa kasong attempted murder.
Sa karon anaa na sa polanco locked-up cell gipaslak ang mao nga dinakpan.
Sa laing bahin usab Wala ka ikyas ang usa ka mag-uuma human kini nasibot sa kapulisan sa Siayan sa ilang gihimo nga manhunt operation.
Naila ang dinakpan nga si Cito Gandipon, 27 anyos, taga brgy. Gunyan lungsod sa Siayan, kinsa nag atubang sa kasong pakyas nga pagpatay.
Gihatagan ug kahigayonan si Cito nga magawas kung maka pyansa sa balor nga 120mil.
