Tulo ka wanted persons gikiha

Davao City – Arestado sa kapolisan sa San Pedro ang tulo ka mga wanted person human gisilbi ang warrant of arrest atol sa gilusad nga Anti Criminality Terrorism clearing operation ngadto sa ilang area of responsibility.

Sa report gikan sa presinto dos mga dinakpan naila sa pangalang Joseph Latawan, 20 anyos nagpuyo sa Duha San Rafael, Brgy 10-A ning syudad sa kasong serious physical injury, Liolynde Israel, 48 anyos sa kasong kalapasan sa Presidential Decree 115 ug laing usa ka Ramel Dela Cerna, 32 anyos, usa ka barangay tanod nga taga Barangay 8-A ning syudad dunay kasong unlawful arrest.

Ang dinakpan nga si Latawan dunay girekominda nga piyansa sa kantidad og 10,000.00 pirmado ni presiding judge Selverio Mandalupe sa MTCC Branch 3, si Esrael dunay piyansa nga 16,000.00 samtang si Dela Cerna dunay piyansa sa 3,000.00 kinsa pinirmahan ni presiding judge Nanette Limana sa MTCC Branch 6 sa Regional Trial Court alang sa ilang temporaryong kagawasan.


Ang tulo ka mga dinakpan priso na sa San Pedro PNP.

RadyoMan Don Pulayao

Facebook Comments