Tulo ka wanted persons, gisikop

17
PC: Misamis Oriental PPO

Gisikop sa kapulisan sa Misamis Oriental ang tulo ka wanted persons sa managlahing higayon.

 

Unang nasikop sa kapulisan sa Salay Municipal Police Station mga alas dos sa hapon niadtong Biyernes sa Purok 2, Barangay Ili-ilihon, Salay, Misamis Oriental ang suspek sa kasong pagpangawat.

 

Kini mao ang 45 anyos nga si Reynaldo Caculba, minyo ug residente sa nasangpit nga dapit.

 

Makagawas lamang si Caculba kung makapiyansa og 24-mil pesos sa kasong Qualified theft.

 

Mga alas 3:45 sa hapon niadtong Biyernes nasikop usab ang number 4 wanted person sa Initao, Misamis Oriental.

 

Kini mao ang 60 anyos nga si Santiago Galarpe,  minyo ug taga Purok 4, Barangay Bagocboc, Opol, Misamis Oriental.

 

Gisikop sa kapulisan sa Initao si Galarpe tungod sa kasong Qualified Seduction.

 

Samtang mga alas 10:25 kaganihang buntag, laing wanted person ang gisikop sa kapulisan sa Sampatulog, Alubijid, Misamis Oriental.

 

Ang suspek mao ang 67 anyos nga si Estarlito Unsay, minyo ug taga Zone 2A, Amoros, El Salvador City.

 

Si Unsay nasikop pinaagi sa hiniusang pwersa sa kapulisan sa Alubijid Municipal Police Station ug El Salvador City Police Station.

Facebook Comments