Davao City – Sikop ang tulo ka mga wanted persons atol sa gilusad nga Oplan Kalinaw sa San Pedro PNP sa pagpanguna ni Police Chief Inspector Ramil Macarampat kauban ang mga personahe sa Regional Mobile Force Battalion 11 (RMFB11), Mobile Patrol Group, Swat Team, Davao City Police Office (DCPO) ug Task Force Davao alas 5:30 sa kabuntagon didto sa Km. 3 Mitsui Bussan Barangay 19-B siyudad sa Davao.
Mga arestado mao sila si Dina Madelo nga adunay kasong simple slander, Geralyn Dela Rosa nga adunay kasong kalapasan sa RA 9287 kun Illegal Gambling ug Kenneth Berbanio nga dunay kasong attempted murder.
Subay niini 265 ka mga residente ang gipailawom sa Oplan Kalinaw diin 254 ang adunay gipresenta nga ID, 137 ka mga lalaki ug 117 ka mga babae samtang 11 kanila ang walay na presenta nga ID.
Gawas niini, 73 ka mga tao ang nakabenepisyo sa free medical check-up ug libre nga tambal.
Nnahuman ang oplan kalinaw alas 9:00 sa kabuntagon.
RadyoMaN Don Pulayao
